«Рига» қорғаушысы «Қайратпен» тең ойыннан кейін пікір білдірді
Латвияның «Рига» клубының қорғаушысы Максим Тонишев алматылық «Қайратқа» қарсы өткен Конференция лигасының жалпы кезеңіндегі алғашқы матчтың нәтижесін бағалады, деп хабарлайды Pin-UpSport.kz.
Тонишевтің айтуынша, «Рига» ойын барысында допқа көбірек иелік етіп, шабуылды дамытуға мүмкіндік беретін бос аймақтарды тиімді пайдаланған. Алайда үзілістен кейін латвиялық команда өз ойынын өзгертіп, бұл шешім алаңдағы әрекеттердің сапасына әсер еткен. Соған қарамастан қорғаушы «Риганың» жеңіске жететін мүмкіндігі болғанын атап өтті.
«Мы больше контролировали мяч, переводили его с фланга на фланг, и появлялись свободные зоны. Во втором тайме начали играть немного иначе, не знаю почему. Хотели сразу отдавать мяч на фланг и развивать атаку там. Думаю, то, что мы показали во втором тайме, было не очень хорошо, но всё равно у нас были моменты и мы могли победить», – деді Тонишев.
Матчтағы алғашқы голды «Қайрат» соқты. 5-минутта Марк Гуаль пенальтиді дәл орындап, алматылықтарды алға шығарды. Алайда араға жеті минут салып Салах Улад Тонишевтің пасынан кейін есепті теңестірді. Кейін «Рига» тағы да алға шығуға мүмкіндік алды, бірақ Мохамед Бадамосидің пенальтиін «Қайраттың» қақпашысы Темірлан Анарбеков қайтарып, командасын құтқарып қалды. Осылайша, кездесу 1:1 есебімен аяқталды.
