«Реал» Чемпиондар лигасына құрамын жариялады
Фото: Europa Press via Getty Images
Мадридтік «Реал» Чемпиондар лигасының топтық кезеңіндегі келесі ойынына арналған құрамын ұсынды. Испания астанасында 17 қыркүйекке қараған түні команда Францияның «Марселімен» кездеседі, деп хабарлайды Pin-UpSport.kz.
Құрамға қақпашылар Тибо Куртуа, Андрей Лунин және Фран Гонсалес енді. Қорғаныс шебінде Дани Карвахаль, Эдер Милитао, Давид Алаба, Трент Александер-Арнольд, Рауль Асенсио, Альваро Каррерас, Фран Гарсия мен Дин Хейсен бар. Ортада Джуд Беллингем, Эдуарду Камавинга, Федерико Вальверде, Орельен Чуамени, Арда Гюлер және Дани Себальос ойнайды. Шабуылда Винисиус Жуниор, Килиан Мбаппе, Родриго, Гонсало Гарсия, Браим Диас және Франко Мастантуоно алаңға шығады.
«Марсельге» қарсы ойынды аяқтағаннан кейін «Реал» Алматыға келіп, 30 қыркүйекте Орталық стадионда «Қайратқа» қарсы екінші тур аясындағы матч өткізеді.
Соған дейін мадридтіктерді Испания чемпионатындағы үш кездесу күтіп тұр, оның ішінде 27 қыркүйектегі «Атлетикоға» қарсы дерби де бар.
