Рахмоновтың бапкері Брэйдиге қарсы жоспарымен бөлісті
Шавкат Рахмонов. Фото: Zuffa LLC
DAR Team командасының бас бапкері Эдуард Базров қараша айында өтуі мүмкін Шавкат Рахмонов пен америкалық Шон Брэйди жекпе-жегіндегі тактикалық жоспарын айтты, деп хабарлайды Pin-UpSport.kz.
Базровтың айтуынша, басты мақсат — қарсыласты қашықтықта соққымен талқандап, алғашқы минуттардан-ақ қысым жасау. Ол Брэйдидің Белал Мұхаммедке қарсы кездесуінде америкалықтың соққы техникасындағы әлсіз тұстары көрінгенін атап өтті. Сонымен қатар, бапкер командасының күреске де дайын екенін, Брэйдидің мықты тұстарын залалсыздандыруға бағытталған әдістерді шыңдап жатқанын жеткізді.
Егер бұл айқас өтсе, жеңімпаз UFC-дің жартылай орта салмақтағы чемпиондық белдігіне басты үміткер атанады. Қазір Брэйди рейтингте екінші, ал Рахмонов үшінші орында тұр.
