ҚПЛ-дің жас футболшылары Қазақстан құрамасына шақырту алуы мүмкін
Қазақстан құрамасының бапкерлер штабы алдағы жолдастық матчтарға ҚПЛ клубтарындағы жас ойыншыларды шақыруды жоспарлап отыр, деп хабарлайды Pin-UpSport.kz AmanVIBE сайтына сілтеме жасап.
Дереккөз мәліметінше, ұлттық құраманың қорытынды тізіміне шымкенттік «Ордабасының» 19 жастағы шабуылшысы Жасұлан Әмір мен көкшетаулық «Оқжетпестің» 21 жастағы жартылай қорғаушысы Әбинұр Нұрымбет енуі мүмкін.
Сонымен қатар Магжан Тоқтыбай мен Мақсат Әбраевтың ұлттық құрамаға шақырылу мәселесі Қазақстан Премьер-лигасының алдағы матчтарынан кейін шешілетіні айтылды.
Талғат Байсуфинов жаттықтыратын Қазақстан құрамасының оқу-жаттығу жиыны 29 мамыр мен 4 маусым аралығында Шымкентте өтеді. Дайындық кезеңінде ұлттық құрама екі сырт алаңдағы жолдастық матч өткізеді.
6 маусым күні қазақстандық футболшылар Ереванда Армения құрамасымен кездессе, 9 маусымда Дебреценде Венгрия құрамасына қарсы ойнайды.
