ҚПЛ-2025 маусымында «Қайрат» ең көп жанкүйер жинаған клуб атанды
Кайрат
Қазақстан Премьер-лигасы 2025 жылғы маусымның көрермен қызығушылығы бойынша қорытындысын жариялады, деп хабарлайды Pin-UpSport.kz. Маусым бойы жанкүйерлер өз командаларын белсенді қолдап, 182 матчқа жалпы 911 968 көрермен жиналды.
KazFootball.kz порталының дерегінше, маусымдағы ең көп көрермен жинаған клуб — алматылық «Қайрат». Команданың ойындарын жалпы 137 656 жанкүйер тамашалаған. Ал бір матчтағы орташа көрермен саны бойынша көшбасшы — «Астана» (10 613 адам). Үздік үштікті дәстүрлі түрде үлкен қолдауға ие «Ақтөбе» түйіндеді.
Көрермен саны бойынша үздік ондыққа «Елімай» (86 580), «Ордабасы» (68 480), «Жеңіс» (56 565), «Тобыл» (53 700) және «Қайсар» (45 200) кірді. Ең төмен көрсеткіш «Тұранға» тиесілі — маусым бойы 21 450 көрермен.
2025 жылғы маусым қорытындысы бойынша Қазақстан чемпионы атанған клуб — «Қайрат» (59 ұпай). Екінші орында — «Астана» (57 ұпай), ал қола жүлде иегері — «Тобыл» (51 ұпай).
