41 жылдан кейінгі қуаныш: «Тоттенхэм» Еуропа лигасын жеңіп алды
Фото: UEFA via Getty Images
2024/2025 жылғы маусымдағы Еуропа лигасының финалында «Тоттенхэм» мен «Манчестер Юнайтед» командалары кездесіп, лондондықтар 1:0 есебімен жеңіске жетті. Ойын Испанияның Бильбао қаласындағы «Сан-Мамес Баррия» стадионында өтті.
Жеңіс голын 42-минутта «Тоттенхэм» жартылай қорғаушысы Бреннан Джонсон соқты. Бұл – клубтың соңғы 41 жылда Еуропадағы алғашқы жеңісі. Бұған дейін олар 1972 және 1984 жылдары УЕФА кубогын иеленген болатын.
Аталған жетістік арқасында Ангелос Постекоглу шәкірттері келесі маусымда (2025/2026) Чемпиондар лигасына жолдама алды. Сондай-ақ, бұл – «Тоттенхэмнің» 2008 жылдан бері алғаш рет трофей көтеруі. Ол кезде команда Англия лигасы кубогын жеңіп алған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
