Қазақстанның әйелдер құрамасы Азия чемпионатының қола жүлдесі үшін сынға түседі
Қазақстанның әйелдер құрамасы шпагамен семсерлесуден Азия чемпионатының финалына шыға алмады, деп хабарлайды Pin-UpSport.kz. Жартылай финалда отандастарымыз Оңтүстік Корея құрамасына жол беріп, енді қола медаль үшін күресетін болды.
Нью-Делиде өтіп жатқан құрлық біріншілігі Қазақстан құрамасына бірнеше жүлде сыйлады. Бұған дейін Ирина Бакалдина жеке сында Азия чемпионы атанса, Руслан Курбанов ерлер арасындағы шпага жарысында қола медаль жеңіп алды. Сонымен қатар ерлер құрамасы саблядан қола жүлдеге ие болды, ал шпагадан Қазақстан құрамасы құрлық чемпионы атанды.
Командалық жарыстың жартылай финалында Қазақстан сапында Ирина Бакалдинова, Владислава Андреева және София Николайчук өнер көрсетті. Олар Оңтүстік Корея құрамасына қарсы шықты. Кездесу қорытындысында қазақстандық спортшылар 29:45 есебімен жеңіліп, алтын медаль үшін күресу мүмкіндігінен айырылды.
Енді Қазақстан құрамасы үшінші орын үшін өтетін матчқа қатысады. Қола жүлде жолындағы кездесуде отандастарымыз Қытайдан жеңілген Сингапур құрамасымен күш сынасады. Семсерлесуден Азия чемпионаты 24 маусымда мәресіне жетеді.
