Қазақстанның әйелдер құрамасы әлем чемпионатын 1/8 финалда аяқтады
Қазақстанның әйелдер құрамасы Гонконгте өтіп жатқан семсерлесуден әлем чемпионатының ширек финалына шыға алмады, деп хабарлайды Pin-UpSport.kz.
1/8 финалдық кездесуде қазақстандық шпагашылар Оңтүстік Корея құрамасына 39:45 есебімен жол берді. Қазақстан сапында Ирина Бакалдина, София Николайчук және Владислава Андреева өнер көрсетті.
Кездесу барысында қазақстандық спортшылар есепте қалып қойды. Соңғы ауысым алдында айырмашылық он ұпайға жетті. Қорытынды жекпе-жекте Ирина Бакалдина есеп айырмасын қысқартқанымен, Қазақстан құрамасын жеңілістен құтқара алмады.
Осыған дейін Қазақстан құрамасы 1/8 финалға шығу жолында Швеция құрамасын 39:38 есебімен жеңген болатын. Семсерлесуден әлем чемпионаты Гонконгте 22–28 шілде аралығында өтіп жатыр.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
