Қазақстандық жүзуші Диас Кенжебек Азия Пара ойындарында алтын медаль алып, Азия рекордын жаңартты
Қазақстандық жүзуші Диас Кенжебек Жапонияның Айти префектурасы мен Нагоя қаласында өтіп жатқан V Азия Пара ойындарында алтын медаль жеңіп алды, деп хабарлайды Pin-UpSport.kz.
Ерлер арасында S10 санатында 100 метрге шалқалап жүзуден өткен финалда Диас Кенжебек 1 минут 1,98 секунд нәтиже көрсетіп, бірінші орынға ие болды. Сонымен қатар ол Азия рекордын жаңартты. Бұған дейінгі рекорд 1 минут 3,73 секунд болатын.
Сондай-ақ 20 қазанда спортшы SM10 санатында 200 метрге кешенді жүзуден күміс медаль жеңіп алды. Оның нәтижесі – 2:21.61.
Бұл Қазақстан құрамасының V Азия Пара ойындарындағы бесінші алтыны және Диас Кенжебектің үшінші медалі. Бұған дейін ол S10 санатында 100 метрге еркін жүзуден күміс жүлдеге ие болған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
