Қазақстандық шорт-трекші жасөспірімдер арасындағы әлемдік рекорд орнатты
Қазақстандық шорт-трекші Богдан Вехов АҚШ-та өтіп жатқан жасөспірімдер арасындағы әлем чемпионатында жоғары нәтиже көрсетіп, 1000 метр қашықтықта жаңа әлемдік рекорд орнатты.
1000 метр дистанциясында Вехов 1:21.958 уақыт нәтижесін тіркеп, жасөспірімдер санатындағы әлемдік рекордты жаңартты. Бұл көрсеткіш осы жас ерекшелігі бойынша бұрын-соңды тіркелген ең үздік нәтиже болып отыр.
Бұған дейінгі әлемдік рекорд Оңтүстік Корея өкілі Джу Джехиге тиесілі еді. Ол 1:22.352 нәтижесін 2024 жылғы 15 қарашада Италияның Бормио қаласында өткен ISU жасөспірімдер арасындағы әлем чемпионатында көрсеткен болатын. Богдан Веховтың уақыты кореялық спортшының нәтижесінен үш ондық секундтан астамға жылдам шықты.
Айта кетейік, рекорд орнатқанына қарамастан, 1000 метр қашықтықтағы финалдық жарыста қазақстандық шорт-трекші мәреге үшінші болып келіп, қола жүлдені иеленді. Алтын медальді Оңтүстік Корея спортшысы жеңіп алса, күміс жүлде Қытай өкіліне бұйырды. Жарыс чемпионаттың соңғы күнінде өтті.
