Қазақстандық хоккейші «Колорадо» лагеріне шақырту алды
Фото: Getty Images
Қазақстандық шабуылшы Асанәли Саркенов алдағы маусым қарсаңында өтетін NHL-дің даму лагеріне қатысады. Бұл жиынды «Колорадо Эвеланш» клубы ұйымдастырады, деп хабарлайды Pin-UpSport.kz.
Мұндай жиындарға клуб жүйесіндегі жас хоккейшілер, драфттан өткен ойыншылар және басқа лигаларда көзге түскен дарындар шақырылады. Басшылық үшін бұл — болашағы зор спортшыларды бағалау мүмкіндігі, ал хоккейшілер үшін — өздерін көрсетуге берілген үлкен шанс.
18 жастағы Саркенов өткен маусымды Солтүстік Америкада өткізді. Ол WHL-дің «Спокан Чифс» клубында өнер көрсетіп, тұрақты чемпионатта 52 ойында 27 (10+17) ұпай жинады. Плей-оффта тағы 14 (9+5) ұпай еншілеген. Алайда командасы финалда «Медисин-Хат Тайгерске» 1:4 есебімен жол берді.
Бұған дейін NHL орталық скауттық бюросы Саркеновты драфтта 217-нөмірмен таңдалады деп болжаған, бірақ ол тізімге ілікпеді.
