«Әл-Хилял» «Манчестер Ситиді» жарыс жолынан тайдырды
Фото: Getty Images
Клубтар арасындағы әлем чемпионатының 1/8 финалында «Манчестер Сити» командасы күтпеген жерден Сауд Арабиясының «Әл-Хиляліне» есе жіберді — матч 3:4 есебімен аяқталды, деп хабарлайды Pin-Upsport.kz.
Ойынның негізгі бөлігі 2:2 есебімен тең аяқталды. Англия чемпионы сапынан Бернарду Силва мен Эрлинг Холанд көзге түссе, «Аль-Хиляльдің» атынан Маркос Леонардо мен Малком гол соқты.
Қосымша уақытта Калиду Кулибали есепті өзгертіп, арабтар алға шықты. Алайда Фил Фоден таразы басын қайта теңестірді. Дегенмен шешуші сәт Маркос Леонардоның еншісінде қалды — ол 112-минутта жеңіс добын соқты.
Осылайша, келесі кезеңде «Әл-Хилял» Бразилияның «Флуминенсе» клубымен кездеседі.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
