Қазақстандық хоккейші АҚШ-та Робертсон Кубогын жеңіп алды
Александр Ким. Фото: Bismarck Bobcats
«Бисмарк Бобкэтс» командасы Робертсон Кубогының финалында «Лоун Стар Брамас» клубын 4:2 есебімен ұтып, маусымның басты трофейін иеленді.
Бұл ойында қазақстандық шабуылшы Александр Ким де көзге түсті. Ол қарсылас қақпасына бір шайба салып, жеңіске үлес қосты.
19 жастағы хоккейші осы маусымда NAHL чемпионатының негізгі кезеңінде 44 матч өткізіп, 28 (17+11) ұпай жинады. Ал плей-офф кезеңінде 13 ойынға қатысып, тағы 7 (4+3) ұпай еншіледі.
Ким үшін бұл маусым сәтті аяқталды – ол тек жақсы статистикамен ғана емес, маңызды кубокпен де мадақталды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
