Қазақстан триатлоншылары аралас эстафетада жетінші орын алды
Триатлоннан Қазақстан құрамасы Аичи-Нагоеде өтіп жатқан XX жазғы Азия ойындарындағы аралас эстафетаны жетінші орынмен аяқтады. Ұлттық құрама 1 сағат 31 минут 45 секунд нәтиже көрсетті, деп хабарлайды Pin-UpSport.kz.
Қазақстан сапында Аян Бейсенбаев, Аида Ким, Диана Ержанова және Егор Крупяков өнер көрсетті. Эстафетаның әр қатысушысы 300 метр жүзу, 6,6 шақырым веложарыс және 2 шақырым жүгіруден өтті. Жарыс Гамагоори қаласында ұйымдастырылды.
Бас жүлдені 1:25:54 нәтижесімен Қытай құрамасы жеңіп алды. Жапония 1:26:45 көрсеткішімен күміс жүлдеге ие болса, Гонконг өкілдері 1:27:25 нәтижесімен үшінші орын алды.
Бұған дейін Арлан Жанабай ерлер арасындағы жеке сында 53:11 нәтижесімен қола медаль жеңіп алған еді. Аичи-Нагоеде өтіп жатқан XX жазғы Азия ойындары 4 қазанға дейін жалғасады.
