Қазақстан құрамасы Ұлттар лигасындағы матч алдында Фарер аралдарына келді
Қазақстан құрамасының делегациясы УЕФА Ұлттар лигасындағы матч алдында Фарер аралдарына келді, деп хабарлайды Pin-UpSport.kz. Команда мінген ұшақ 25 қыркүйекте Астанадан ұшып шығып, Вагар әуежайына қонды.
Чартерлік рейспен ұшу шамамен жеті сағатқа созылған. Ұлттық құрама Фарер аралдарына бастапқы жоспар бойынша 24 қыркүйек күні кешке жетуі керек болған. Алайда ауа райының нашарлауына байланысты Вагар әуежайы барлық рейстерді тоқтатты. Осыған байланысты Қазақстан делегациясының ұшуы кейінге қалдырылды.
25 қыркүйек күні кешке Джон ван ’т Схип шәкірттері Торсхавн қаласындағы стадионда матч алдындағы жаттығуын өткізеді. Дәл осы аренада 26 қыркүйекте УЕФА Ұлттар лигасының алғашқы турында Фарер аралдары мен Қазақстан құрамалары кездеседі. Ойын Астана уақытымен 21:00-де басталады.
Алдағы кездесуде Қазақстан құрамасына Максим Самородов көмектесе алмайды. Шабуылшы жарақатына байланысты медициналық штабпен бірге Астанада қалды. Бұған дейін ҚФФ футболшының Словакияға қарсы сырт алаңдағы матчқа да қатыспайтынын хабарлаған. Самородовтың Қазақстан құрамасының кейінгі өз алаңындағы ойындарына қатысуы оның жағдайына байланысты шешіледі.
