Максим Самородов Қазақстан құрамасының екі матчына қатыспайды
Қазақстан құрамасы мен Грозныйдың «Ахмат» клубының шабуылшысы Максим Самородов жарақатына байланысты УЕФА Ұлттар лигасындағы ұлттық құраманың алдағы екі матчына қатыспайды, деп хабарлайды Pin-UpSport.kz. Ол Фарер аралдары мен Словакия құрамаларына қарсы сырт алаңдағы кездесулерде алаңға шықпайды.
24 жастағы футболшының Қазақстан құрамасының кейінгі матчтарына қатысуы әзірге белгісіз. Ұлттық құрама сырт алаңдағы екі ойыннан кейін өз алаңында Молдова және Фарер аралдары құрамаларымен кездеседі. Самородовтың жағдайын ұлттық құраманың медициналық штабы бақылауда ұстайды. Осыдан кейін оның аталған матчтарға қатысу мүмкіндігі бойынша шешім қабылданады.
Бұған дейін жарақатына байланысты Қазақстан құрамасы қорғаушы Әлібек Қасым мен жартылай қорғаушы Ислам Чесноковтан да айырылғаны белгілі болған. Қасым алдағы екі сырт алаңдағы кездесуге қатыспайды. Ал Чесноков Ұлттар лигасындағы Қазақстан құрамасының алдағы төрт матчының барлығын өткізіп алады.
Қазақстан құрамасы келесі ойынын Фарер аралдарына қарсы өткізеді. Матч ертең, 26 қыркүйекте Торсхавн қаласындағы «Торсволлур» стадионында өтеді. Кездесу Астана уақытымен 21:00-де басталады. Одан кейін ұлттық құрама Словакияға қарсы сырт алаңда ойнап, өз алаңында Молдова және Фарер аралдары құрамаларын қабылдайды.
