Қазақстан балуандары Венгриядағы рейтингтік турнирде үш медаль жеңіп алды
Грек-рим күресінен Қазақстан құрамасы Будапештте (Венгрия) өткен халықаралық рейтингтік турнирде үш медаль иеленді, деп хабарлайды Pin-UpSport.kz.
Жарыстың соңғы күні қазақстандық балуандар қоржынға бір күміс және екі қола жүлде салды. 60 келіге дейінгі салмақ дәрежесінде Ернұр Фидахметов финалға дейін жетіп, шешуші белдесуде қырғызстандық Жоламан Шаршенбековке есе жіберіп, күміс медаль жеңіп алды.
55 келіге дейінгі салмақта Исхар Курбаев қола медаль үшін өткен белдесуде үндістандық Лалитті жеңіп, жүлдегер атанды.
Бұған дейін 67 келіге дейінгі салмақта Дінмұхаммед Қошқар да қола жүлде иеленген болатын. Осылайша, Қазақстан құрамасы Будапешттегі рейтингтік турнирді үш медальмен аяқтады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
