Қайта құрудың соңы неге апарды? «Барыстың» басшысы қызметінен кетті
Нурлан Оразбаев. Фото: baigenews.kz
Астаналық «Барыс» хоккей клубының бас директоры Нұрлан Оразбаев қызметінен кетті. Бұл туралы клубтың ресми сайты хабарлады.
Оразбаев бұл қызметке 2024 жылдың күзіне тағайындалған еді. Оның кезінде бірқатар даулы шешім қабылданды: Солтүстік Американың барлық легионерлерімен келісімшарт бұзылды, бұл үшін жүздеген миллион теңге өтемақы төленді. Сонымен қатар, «Барыстың» жасөспірім командалары Ресей чемпионатын аяқтамайтыны жөнінде мәлімдеме жасалған. Бұл шешім кейін Мәдениет және спорт министрлігінің араласуымен кері қайтарылды.
Оразбаев басқарған маусым клуб тарихындағы ең сәтсіз кезең болды – команда 68 матчта небәрі 35 ұпай жинап, КХЛ-дегі ең әлсіз нәтижені көрсетті.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
