«Қайраттың» тізгінін Бразилияның үздік жаттықтырушысы ұстайды
Фото: Ventura Sports
Алматылық «Қайрат» клубын бразилиялық маман Даниэл Жуниор баптайды деп күтілуде, деп хабарлайды Pin-UpSport.kz.
Жуырда Жуниор Бразилияның «Кампу-Моран» клубынан кететінін ресми түрде мәлімдеді. Жергілікті басылымдардың дерегінше, ол енді «Қайрат» клубының бас бапкері қызметіне кіріседі. Бұған дейін клуб президенті Қайрат Оразбеков 2023/2024 жылғы маусымда Бразилияның үздік бапкері атанған маманды шақырғанын айтқан еді, бірақ нақты есімін атамаған.
Даниэл Жуниордың алғашқы ойыны 23 тамыз күні өтетін Қазақстан Суперкубогының финалында «Семейге» қарсы болмақ. Ол бұған дейін Бразилияның бірнеше клубын жаттықтырған, сондай-ақ U17 және U18 құрамаларымен жұмыс істеген. Оның жетекшілігімен жасөспірімдер құрамасы 2018 жылғы Жасөспірімдер Олимпиадасында алтын алып, Оңтүстік Америка чемпионы атанған.
Еске салайық, маусым айында испаниялық Марлон Веласко «Қайраттан» кеткен болатын. Ол команда тізгінін 2023 жылдан бастап ұстаған.
