«Қайрат» Чемпиондар лигасы іріктеуін жеңіліспен бастады
Алматылық «Қайрат» УЕФА Чемпиондар лигасының үшінші іріктеу кезеңіндегі алғашқы матчта Болгарияның «Левски» клубына сырт алаңда есе жіберді, деп хабарлайды Pin-UpSport.kz.
Софияда өткен кездесуде есеп ұзақ уақыт ашылған жоқ. Қазақстандық клуб қарсыластың шабуылдарына сәтті тойтарыс беріп, матч тең аяқталуға жақын қалған еді. Алайда алаң иелері қосымша уақытта жеңісті жұлып әкетті.
Кездесудегі жалғыз гол 90+2-минутта соғылды. Португалиялық жартылай қорғаушы Сержиньо айып алаңы сыртынан дәл соққы жасап, «Левскиге» 1:0 есебімен жеңіс сыйлады.
Қарымта матч 11 тамыз күні Түркістанда өтеді. Ойын Қазақстан уақытымен 20:00-де басталады. Екі матчтың қорытындысы бойынша жеңіске жеткен команда Чемпиондар лигасы іріктеуінің плей-офф кезеңінде Грекияның АЕК клубымен кездеседі.
