Пакьяо 2026 жылы қайта шаршы алаңға оралады
Фото: Getty Images
Атақты филиппиндік боксшы Мэнни Пакьяо келесі жекпе-жегін 2026 жылдың желтоқсанында өткізуді жоспарлап отыр, деп хабарлайды Pin-UpSport.kz.
Қарсыластар қатарында америкалық Ролли Ромеро, Джервонта Дэвис және Марио Барриоспен реванш нұсқалары қарастырылуда.
Пакьяо кәсіби мансабын 1995 жылы бастаған. Үш жылдан кейін WBC нұсқасы бойынша ең жеңіл салмақта әлем чемпионы атанды. Кейін ол жеңіл, жартылай орта және бірінші орта салмақты қоса алғанда, тағы жеті салмақта белдесулер жеңіп, тарихтағы сегіз салмақ дәрежесінде чемпион атанған тұңғыш боксшы болды.
Филиппиндік былғары қолғап шеберінің соңғы кездесуі Барриосқа қарсы өтті. Лас-Вегаста өткен бұл жекпе-жек 12 раундқа созылып, төрешілердің басым көпшілік шешімімен тең аяқталды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
