Абат Айымбетов Еуропа чемпионатына ауысуды көздеп отыр
Абат Аймбетов
Қазақстан құрамасының шабуылшысы Абат Айымбетов түрік клубы «Адана Демирспордан» кеткеннен кейін әлі жаңа команда тапқан жоқ, деп хабарлайды Pin-UpSport.kz.
Маусым аяқталған соң еркін агент атанған футболшы қазақстандық клубтардың қызығушылығына қарамастан, мансабын шетелде жалғастыруды таңдады.
Жаңа команда іздеу үдерісі созылып кетті. Ойыншының агенті Траян Гергишан бірнеше нарықпен, соның ішінде өз елі – Румыния чемпионатымен жұмыс істеп жатыр. Ал Айымбетов Еуропадағы тиімді ұсынысты күтіп, асықпай шешім қабылдауды жөн көріп отыр.
Ұлттық құраманың жаттықтыру штабы тәжірибелі шабуылшыны алдағы әлем чемпионатының іріктеу ойындарында көргісі келеді. Дегенмен, клубсыз қалып отырғаны оның шақыртуына әсер етуі мүмкін. Қыркүйекте өтетін Уэльс және Бельгиямен матчтарға дейін үш апта ғана қалды, бұл уақыт ішінде Айымбетов бабын таба ала ма – белгісіз.
