«Ордабасы» 2026 жылы ірі инвестор тартуы мүмкін
Ордабасы
Шымкенттің «Ордабасы» футбол клубы алдағы уақытта ірі инвестор тарту мүмкіндігін қарастырып отыр, деп хабарлайды Pin-UpSport.kz.
Бұл қадам клубтың қаржылық мүмкіндігін кеңейтіп, Қазақстан Премьер-лигасындағы бәсекеге қабілеттілігін арттыруды көздейді. Қазіргі бөлінетін бюджет команданың жоғары мақсаттар қоюына жеткіліксіз болып отыр.
AsNews.kz мәліметінше, 2026 жылы «Ордабасы» қалалық әкімдіктен шамамен 1,5 миллиард теңгеден артық қаражат алмайды. Мұндай сома чемпионаттың жоғарғы орындары үшін күресуге жеткіліксіз саналады. Осыған байланысты клуб басшылығы қосымша қаржы көздерін іздеуге мәжбүр болып, жеке инвесторлармен келіссөздер жүргізе бастаған.
Қазіргі таңда бірнеше әлеуетті демеушімен келіссөздер жүріп жатыр. Солардың бірінен алдын ала келісім алынғаны айтылуда. Егер тараптар түпкілікті ортақ шешімге келсе, «Ордабасы» бюджеті айтарлықтай өседі деп күтіледі. Клуб президенті Асхат Сейсембек бұған дейін де қазіргі қаржыландыру деңгейімен команданың жүлделі орындарға таласа алмайтынын ашық айтқан болатын.
Өткен маусымда клубқа шамамен 3,2 миллиард теңге бөлінгеніне қарамастан, спорттық нәтиже көңілден шықпады. «Ордабасы» молдавиялық бапкер Андрей Мартиннің жетекшілігімен КПЛ-да жетінші орын алды және Қазақстан Кубогының финалында «Тоболға» жол беріп, еурокубок жолдамасынан қағылды. Бапкердің қызметінен кетуі мүмкін деген әңгімелер болғанымен, Мартин командадағы жұмысын жалғастырады. Алдағы кезеңде клуб үшін негізгі міндет — қаржылық тұрақтылықты қамтамасыз етіп, соған сай даму бағытын айқындау.
Айбар Рысдаулет
«Тобыл» клубы жаңартылған логотипін таныстырды
Еркебұлан Сейдахмет «Ақтөбе» клубында өнер көрсетуді жалғастырады