Моуринью Эндрикті «Реалда» қалдырғысы келеді
Мадридтік «Реалдың» шабуылшысы Эндрик келесі маусымда командада қалуы мүмкін, деп хабарлайды Pin-UpSport.kz.
Инсайдер Фабрицио Романоның мәліметінше, 19 жастағы бразилиялық футболшыға «Реалдың» бас бапкері қызметіне негізгі үміткер саналатын Жозе Моуринью сенім артып отыр.
Португалиялық маман жас шабуылшының әлеуетін жоғары бағалап, оның мадридтік клубтағы дамуын жалғастырғанын қалайды.
Сондай-ақ клуб басшылығы да футболшыны алдағы трансферлік кезеңде сатуды жоспарламай отыр және оны командада сақтап қалуға ниетті.
Эндрик «Реал» сапына 2024 жылы қосылған болатын. Қазіргі маусымның екінші бөлігін ол Францияның «Лион» клубында жалға ойнап жүр.
Екі клуб арасындағы келісім 30 маусымға дейін жарамды. Осыдан кейін бразилиялық шабуылшы мадридтік клубқа қайта оралуы тиіс.
