Мөлдір Жаңбырбай Дүниежүзілік ойындардың жартылай финалына шықты
Фото: НОК
Қытайдың Чэнду қаласында өтіп жатқан XII Дүниежүзілік ойындарда ел намысын қорғап жатқан Мөлдір Жаңбырбай сәтті өнер көрсетуде, деп хабарлайды Pin-UpSport.kz.
50 келіге дейінгі салмақ дәрежесінде сынға түскен әлем чемпионы алғашқы кезеңде екі қарсыласын айқын басымдықпен жеңіп, жартылай финалға жолдама алды. Ол алдымен Алжирлік Силия Уикенді 4:0 есебімен, кейін венесуэлалық Йоргелис Салазарды 3:0 нәтижесімен ұтты. Топтық кезеңнің соңғы жекпе-жегінде қытайлық Жунхуй Вангқа 0:1 есебімен есе жіберді.
Мөлдір жартылай финалда Еуропаның екі дүркін чемпионы, хорватиялық Эма Сгарделлимен кездеседі. Жекпе-жек Астана уақытымен 13:55-те басталады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
