Месси әлем чемпионаттарының тарихи рекордын жаңартты
Аргентина құрамасының капитаны Лионель Месси футболдан әлем чемпионаттары тарихындағы ең егде жастағы хет-трик авторы атанды, деп хабарлайды Pin-UpSport.kz. Атақты шабуылшы бұл жетістікке 2026 жылғы әлем чемпионатының Алжирге қарсы матчында қол жеткізді.
Әлемнің қазіргі чемпионы саналатын Аргентина турнирді сенімді жеңіспен бастады. Команда алғашқы турда Алжирді 3:0 есебімен ұтты. Кездесудегі үш голдың барлығын Лионель Месси соғып, өз құрамасының жеңісіне шешуші үлес қосты. Осы нәтижеден кейін аргентиналықтар J тобында көш бастады.
StatsCentre статистикалық порталының мәліметінше, хет-трик жасаған сәтте Мессидің жасы 38 жас 357 күн болған. Осылайша ол бұған дейінгі рекорд иесі Криштиану Роналдудың көрсеткішінен асып түсті. Португалиялық футболшы 2018 жылғы әлем чемпионатында 33 жас 160 күнінде хет-трик жасап, рекорд орнатқан еді.
Месси бұл матчта тағы бір маңызды белеске жетті. Алжир қақпасына соққан үш голынан кейін оның әлем чемпионаттарындағы жалпы гол саны 16-ға жетті. Осы көрсеткіш бойынша аргентиналық шабуылшы Германия құрамасының бұрынғы ойыншысы Мирослав Клоземен теңесті. Қазір екеуі де әлем чемпионаттары тарихындағы ең үздік сұрмергендер тізімінің көшін бастап тұр.
