Австрия құрамасы әлем чемпионатын жеңіспен бастады
Австрия құрамасы 2026 жылғы әлем чемпионатының алғашқы турында Иорданияны 3:1 есебімен жеңіп, жарысты сәтті бастады, деп хабарлайды Pin-UpSport.kz. J тобындағы кездесу АҚШ-тың Санта-Клара қаласындағы «Левайс» стадионында өтті.
Ойын алдында Австрия фаворит саналған болатын және команда бұл мәртебесін ақтады. Ральф Рангник шәкірттері алғашқы үш ұпайын еншілеп, плей-офф жолдамасы үшін күрестегі мүмкіндігін арттырды. Бұл топта қазіргі әлем чемпионы Аргентина құрамасы, сондай-ақ Алжир мен Иордания командалары да өнер көрсетеді.
Кездесудегі есеп 20-минутта ашылды. Германияның «Вердер» клубында ойнайтын Романо Шмид нәтижелі шабуылды аяқтап, Австрияны алға шығарды. Екінші таймның басында Иордания таразы басын теңестірді. 50-минутта «Аль-Саилия» шабуылшысы Али Олван гол авторы атанды. Алайда кейін ойын тізгіні қайтадан австриялықтардың қолына өтті. 76-минутта Язан Әл-Араб өз қақпасына гол соғып алды. Ал қосымша уақыттың соңында Марко Арнаутович пенальтиді дәл орындап, матчтың қорытынды есебін белгіледі – 3:1.
Осы нәтижеден кейін Австрия құрамасы үш ұпаймен топтағы жағдайын жақсартты. Келесі турда команда Аргентина құрамасына қарсы ойнайды. Ал Иордания өз кезегінде Алжирмен кездесіп, алғашқы ұпайына қол жеткізуге тырысады.
