Мейірім Нұрсұлтанов АҚШ-та титулдық жекпе-жек өткізеді
Қазақстандық боксшы Мейірім Нұрсұлтанов орта салмақтағы WBC тұжырымы бойынша уақытша әлем чемпионы атағы үшін Хесус Рамоспен жұдырықтасады, деп хабарлайды Pin-UpSport.kz.
Premier Boxing Champions ұйымы жеңіліп көрмеген қазақстандық Мейірім Нұрсұлтанов (20-0, 11 КО) пен америкалық Хесус Рамос (24-1, 19 КО) арасындағы жекпе-жекті ресми түрде растады. Кездесу 19 қыркүйекте Сан-Диегодағы Pechanga Arena кешенінде өтеді.
Кештің басты жекпе-жегінде Айзек Крус (28-3-2, 18 КО) пен Нестор Браво (28-3-2, 18 КО) бірінші жартылай орта салмақтағы WBC уақытша чемпионы атағын сарапқа салады. Ал Нұрсұлтанов пен Рамос арасындағы кездесу бокс кешінің екінші басты оқиғасы болады.
Мейірім Нұрсұлтанов үшін бұл соңғы екі жылға жуық уақыттағы алғашқы жекпе-жек болмақ. Қазақстандық боксшы соңғы рет 2023 жылдың қарашасында шаршы алаңға шығып, чилилік Хулио Аламосты төрешілердің бірауызды шешімімен жеңген еді.
