Макгрегор төбелескен UFC 329 турнирінің көрермендер көрсеткіші белгілі болды
Paramount+ стримингтік сервисі Конор Макгрегордың бес жылдық үзілістен кейінгі оралуымен өткен UFC 329 турнирінің көрермендер саны туралы мәлімет жариялады, деп хабарлайды Pin-UpSport.kz.
Сервистің мәліметінше, UFC 329 турнирін АҚШ пен Латын Америкасында жалпы саны 15,9 миллион көрермен тамашалаған. Трансляцияның орташа аудиториясы 6,5 миллион адамды құрады.
Бұл көрсеткіштер бойынша UFC 329 жуырда өткен Ақ үйдегі UFC турнирінен төмен болды. Ол кешті 17 миллион адам көріп, орташа аудиториясы 8,2 миллионға жеткен. Дегенмен, Конор Макгрегордың оралуы көрермендердің ең жоғары қызығушылығын тудырды. UFC 329 турниріндегі ең жоғары көрсеткіш 8,3 миллион көрермен болса, Ақ үйдегі турнирде бұл сан 7,9 миллион болған.
UFC 329 турнирінің басты жекпе-жегінде Конор Макгрегор Макс Холлоуэймен қарымта кездесу өткізді. Ирландиялық файтер жекпе-жектің екінші минутында тізесінен ауыр жарақат алып, кездесуді жалғастыра алмады. Нәтижесінде жеңіс техникалық нокаутпен Макс Холлоуэйге берілді.
