Каршыға Дәуітбек жапон спортшысын жеңді
Каршыга Даутбек
Rizin 50 турнирінің қосалқы басты жекпе-жегінде Каршыға Дәуітбек (18-3) бұрынғы чемпион Чихиро Сузукиді (13-5) жеңіп шықты. Үш раундқа созылған кездесуде төрешілер жекелеген шешіммен жеңісті қазақ спортшысына берді.
Бұл жеңіс Каршыға Дәуітбекті титул үшін таласатын негізгі үміткерге айналдырды. Енді ол чемпион Клебер Койке Эрбстпен жекпе-жек өткізеді. Бразилиялық жапон 31 желтоқсанда дәл осы Сузукиді жеңіп, белдікті иеленген болатын.
31 жастағы Каршыға Дәуітбек қатарынан он жекпе-жекте жеңіске жетіп отыр. Rizin додасында төрт рет октагонға шықты: екі қарсыласын нокаутпен тоқтатты, екеуінде төреші шешімімен басым түсті. Қазір ол өз салмағындағы басты фавориттердің бірі.
25 жастағы Сузуки бұған дейін Патрисио «Питбуль» Фрейрені сұлатып, сегіз жекпе-жектен тұратын жеңісті серия жинаған. 2024 жылдың жазында Мэнни Пакьяомен көрме бокстан кездесу өткізуі керек еді, бірақ қол жарақатына байланысты шет қалған.
