Каратэші Мөлдір Жаңбырбай Қазақстанға Әлем ойындарынан күміс әкелді
Фото: НОК
Қытайдың Чэнду қаласында өтіп жатқан XII Әлем ойындарында каратэ бәсекесінің алғашқы күнінде Қазақстан құрамасының қоржынына алғашқы күміс медаль түсті, деп хабарлайды Pin-UpSport.kz.
Мөлдір Жаңбырбай төрт жылда бір өтетін бұл беделді додада финалға дейін сүрінбей жетті.
Шешуші жекпе-жекте қазақстандық спортшы ирандық Сара Бахпен кездесті. Негізгі уақыт 0:0 есебімен аяқталды, алайда төрешілер жеңісті қарсыласына берді.
Бұл – Қазақстан тарихындағы Әлем ойындарындағы үшінші жүлде. Бұған дейін 2009 жылы Халид Халидов пен 2022 жылы София Берульцева медаль иеленген еді. Ертең татамиге София Берульцева (+68 кг), Әсел Қанай (61 кг) және Нұрқанат Әжікенов (75 кг) шығады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
