Инсайдер: Әлімханұлы мен Адамес жекпе-жегі АҚШ-та өтуі мүмкін
Жанибек Алимханулы. Фото: janibek_alimkhanuly/Instagram
Белгілі бокс сарапшысы Бернардо Пилатти WBO/IBF тұжырымы бойынша әлем чемпионы Жәнібек Әлімханұлы мен WBC белбеуінің иегері Карлос Адамес арасындағы біріккен жекпе-жек 2025 жылдың соңына дейін өтеді деген үмітін жеткізді, деп хабарлайды Pin-Upsport.kz.
Оның айтуынша, қос тарап 22 қарашада Сауд Арабиясында кездесу жайында келіссөз жүргізген, бірақ қаржылық мәселеге байланысты келісімге келе алмады. Егер айқас АҚШ-та ұйымдастырылса, боксшылардың қаламақысы төмен болуы мүмкін.
Пилатти жағдайдың қиындығын да атап өтті. Себебі Адамес PBC ұйымымен, ал Әлімханұлы Top Rank промоутерлік компаниясымен байланысты. Қазіргі таңда Top Rank тұрақты телесеріктессіз отыр. Сондықтан жекпе-жектің жүзеге асуы үшін қос тарап та талаптарын азайтып, ымыраға келуі қажет. Сауд Арабиясындағыдай мол қаржы АҚШ-та қарастырылмайды.
Сарапшының ойынша, ең ықтимал нұсқа – желтоқсан айында АҚШ-та өтетін PBC турнирлерінің бірінде үш белбеу үшін тарихи жекпе-жектің ұйымдастырылуы.
