Ига Швентек Мадридте Серена Уильямстың рекордын қайталады
Ига Швентек. Фото: Getty Images
Әлемнің екінші ракеткасы Ига Швентек WTA-1000 санатындағы Мадрид турнирінде 15-ші жеңісіне жетіп, осы көрсеткіш бойынша америкалық Серена Уильямспен теңесті. Польшалық теннисшіге бұл нәтижеге қол жеткізу үшін небәрі 17 матч қажет болды — бұл турнир тарихындағы ең жылдам көрсеткіш.
Үшінші айналымда Ига Швентек чехиялық Линда Носковадан 6:4, 6:2 есебімен басым түсті. Келесі кезеңде ол ресейлік Диана Шнайдермен кездеседі. Шнайдер бұған дейін Анастасия Севастваны 6:0, 6:0 есебімен жеңген болатын.
Айта кетейік, Мадрид турнирі 22 сәуір мен 3 мамыр аралығында өтуде. Швентек бұл жарыстың қазіргі чемпионкасы саналады — өткен жылы ол финалда Арина Соболенконы жеңген.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
