IBA Дубайда өтетін 2025 жылғы әлем чемпионатын таныстырды
Казахстанская федерация бокса
Халықаралық бокс қауымдастығы (IBA) 2025 жылғы ерлер арасындағы элиталық әлем чемпионатының 2–13 желтоқсан аралығында Дубайда (БАӘ) өтетінін растады, деп хабарлайды Pin-UpSport.kz.
Бұл дода тарихтағы ең қомақты жүлде қорымен өтпек — 8 миллион доллар. Әр салмақ дәрежесінің жеңімпазы 300 мың доллардан алады. Мұндай сыйақы көлемі бұрын-соңды әлем чемпионаттарында болмаған.
IBA президенті Умар Кремлёв: «Бұл чемпионат тек рекорд пен ақша туралы емес. Мұнда әр боксшы, әр бапкер және әр ұлттық федерация лайықты құрмет пен марапатқа ие болуы тиіс», — деді.
Алдағы турнирдің ресми афишасында Париж-2024 Олимпиадасының жүлдегері, Қазақстан құрамасының көшбасшыларының бірі Нұрбек Оралбай бейнеленді. Бұл қазақстандық боксшылардың додадағы маңызын айқын көрсетеді.
