Хоккейден Қазақстан құрамасы элитадан шығып, IIHF рейтингінде төмендеді
Фото: City-Press via Getty Images
Халықаралық шайбалы хоккей федерациясы (IIHF) 2025 жылғы әлем чемпионатының топтық кезеңінен кейін ұлттық құрамалардың жаңартылған рейтингін жариялады. Қазақстан құрамасы бұл тізімде 15-орынға жайғасып, тек Францияны ғана артта қалдырды.
IIHF бұл нәтижеге қатысты қысқаша пікір білдіріп:
«АҚШ-тан 6:1 есебімен жеңілді — қарымта алуға мүмкіндік жоқ», — деп жазды.
Айта кетейік, турнир басталар алдында Қазақстан 13-орында тұрған болатын.
Чемпионат барысында отандастарымыз үш ұпай жинап, В тобында соңғы орынға тұрақтады. Жанкүйерлер күткен жалғыз жеңіс Норвегияға қарсы алғашқы кездесуде тіркелді.
Осылайша, Қазақстан құрамасы элиталық дивизионмен қош айтысып, келесі әлем чемпионатын Бірінші дивизионда өткізетін болды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Қазақстандық хоккейші АҚШ-та Робертсон Кубогын жеңіп алдыКелесі мақала:
Азат Мақсұмның UFC-дегі қарсыласы анықталды