Головкин ең мықты 50 боксшының қатарына енді
Фото: Sports Illustrated via Getty Image
АҚШ-тағы беделді BoxingScene порталы кәсіпқой бокстың тарихындағы ең төзімді 50 боксшының рейтингін жариялады, деп хабарлайды Pin-Upsport.kz.
Бұл тізімге қазақстандық Геннадий Головкинмен қатар Мохаммед Әли, Флойд Мейвезер және Хулио Сезар Чавес сынды аңыздар да енген.
Басылым GGG-дің соққыға берік екенін ерекше атап өтті. «Головкин рингте бірде-бір рет нокдаунға түспеген, тіпті есеңгіреп қалған сәттері де өте сирек. Бір жекпе-жекте ол Дэниел Гилге ауыр соққы жіберіп үлгерді – қарсыласын нокаутқа түсірмес бұрын, өзі тура бетке соққы алған болатын», – деп жазды портал.
Геннадий соңғы жекпе-жегін 2022 жылдың қыркүйегінде мексикалық Сауль «Канело» Альвареске қарсы өткізіп, ұпай санымен жеңілген. Содан бері ол ресми түрде мансабын аяқтағанын жариялаған жоқ.
