ФИФА-ның тарихи шешімі: ӘЧ-2030-да 64 құрама ойнауы мүмкін
Фото: PA Images via Getty Images
Халықаралық футбол федерациясы 2030 жылғы әлем чемпионатына қатысатын командалар санын 64-ке жеткізу жоспарын қарастыруда, деп хабарлайды Pin-UpSport.kz.
КОНМЕБОЛ ұсынған бастамаға қолдау көрсетілген. Жаңа жүйе бойынша жарыс 16 топтан тұрады, әрқайсысында төрт командадан. Әр топтан үздік екі құрама плей-офф кезеңіне шығады. Мұндай өзгеріс Қазақстан секілді елдерге дүниежүзілік доп додасына қатысу мүмкіндігін едәуір арттырады.
Бәсеке тарихта алғаш рет үш құрлықта қатар өтпек. Еуропа мен Африка ойындарын Испания, Португалия және Марокко қабылдайды, ал үш топтың матчтары Аргентина, Парагвай және Уругвайда ұйымдастырылады.
Айта кетейік, алдағы 2026 жылғы әлем чемпионаты да рекорд жаңартады — онда алғаш рет 48 құрама бақ сынайды. Осылайша, ФИФА әлемдік футбол бәйгесіне қатысушылар қатарын кеңейту бағытын жалғастырып отыр.
