Эсмигүл Куюлова Азия ойындарында қатарынан екінші рет қола жүлде жеңіп алды
Қазақстандық дзюдошы Эсмигүл Куюлова Айти және Нагояда өтіп жатқан 2026 жылғы Азия ойындарында 63 келіге дейінгі салмақта қола медаль иеленді, деп хабарлайды Pin-UpSport.kz. Үшінші орын үшін өткен белдесуде ол Өзбекстан өкілі Мариона Нуруллоеваға қарсы татамиге шықты.
Белдесу golden score кезеңіне дейін жалғасып, осы сәтте Куюлова «ваза-ари» бағасын алып, жеңіске жетті. Осылайша, қазақстандық дзюдошы Азия ойындарының қола жүлдегері атанды.
Куюлова Азия ойындарында қатарынан екінші рет қола медаль жеңіп алды. Ол 2023 жылы Ханчжоуда өткен жарыста да үшінші орын алған еді. Биыл қазақстандық дзюдошы Ордоста өткен Азия чемпионатында қола жүлде иеленіп, Люблянадағы European Open турнирінде күміс медаль жеңіп алды.
Айти және Нагояда өтіп жатқан XX жазғы Азия ойындары 4 қазанға дейін жалғасады.
