«Елімайдың» жеңісті сериясы жалғасуда
Фото: ФК Кайрат
Қазақстан Премьер-лигасының 22-турында семейлік «Елімай» «Қызылжарды» 2:0 есебімен жеңіп, жеңісті әрі жеңілмеген ойындар сериясын жалғастырды, деп хабарлайды Pin-UpSport.kz.
Ойын тағдырын шетелдік футболшылар шешті: Кевин Ролон алғашқы таймның ортасында есеп ашса, үзіліске дейін Майком басымдықты арттырды. Бұл жеңіс «Елімайдың» маусымдағы үшінші қатарынан жеңісі болып тіркелді. Бұған дейін команда «Ақтөбені» 2:1 есебімен тізе бүктіріп, «Қайратпен» ойында 0:2 есебінен кейін 3:2 болып керемет камбэк жасаған еді.
Қазір «Елімайдың» жеңілмеген сериясы бес кездесуге жетті. Соңғы рет семейлік клуб 19 шілдеде «Жениске» 1:2 есебімен жол берген болатын. Бүгінгі жеңістен кейін команда 22 турдан соң 38 ұпай жинап, турнир кестесінде төртінші орынға көтерілді. «Ақтөбе» екі ойыны кем болса да, екі ұпайға артта тұр.
