Эдди Хирн Терренс Кроуфорд пен Джарон Эннис арасындағы жекпе-жекті ұйымдастырғысы келеді
Жанибек Алимханулы. Фото: janibek_alimkhanuly/Instagram
Танымал промоутер Эдди Хирн америкалық екі мықты боксшы — Терренс Кроуфорд (42–0, 31 КО) пен Джарон Эннис (35–0, 31 КО) арасындағы жекпе-жекті өткізуді жоспарлап отырғанын мәлімдеді, деп хабарлайды Pin-UpSport.kz .
Сауль «Канело» Альваресті жеңіп, екінші орта салмақта абсолют чемпион атанған Кроуфорд әзірге болашағын нақтыламады. Ол мансабын аяқтау немесе орта салмаққа көшу нұсқаларын қарастырып жүр.
Хирннің пікірінше, Эннис дәл қазір Кроуфордқа лайық қарсылас. «Бұл — өз дәуірінің айқасы болар еді. Бірақ алдымен біз мұндай мүмкіндікке лайық екенімізді дәлелдеуіміз керек. Терренс тек үлкен қаржы үшін келіседі, себебі ол Эннистің деңгейін жақсы біледі. Меніңше, бұл кездесу 9–12 ай ішінде өтуі мүмкін», — деді Хирн talkSPORT-қа берген сұхбатында.
IBF ұйымы бұл жекпе-жекті 2023 жылы-ақ өткізуді көздеген, бірақ ол кезде келісім болмағандықтан, Кроуфорд белбеуінен айырылған еді. Қазір 27 жастағы Эннис бірінші орта салмақта дебютке дайындалып жатыр, оның қарсыласы — Уисма Лима. Ал Кроуфорд орта салмаққа көшу нұсқасын қарастырып, онда қазақстандық әлем чемпионы Жәнібек Әлімханұлы (17–0, 12 КО) мен WBC белбеуінің иегері Карлос Адамеспен (24–1–1, 18 КО) кездесуге мүдделі болуы мүмкін.
