Джейк Пол болашақ қарсыластары туралы айтты
Фото: Getty Images for Netflix
Америкалық боксшы әрі блогер Джейк Пол болашақта өткізгісі келетін жекпе-жектері және ықтимал қарсыластары туралы пікір білдірді, деп хабарлайды Pin-UpSport.kz. Спортшы мансабын жалғастырудың бірнеше нұсқасын қарастырып отырғанын айтты.
Оның айтуынша, британдық боксшы Энтони Джошуамен қайта жекпе-жек өткізу жоспары жоқ. Пол мұны өзінің салмақ дәрежесінде қалуды қалайтынымен түсіндірді. Сонымен қатар ол аралас жекпе-жек ережесі бойынша өнер көрсету мүмкіндігін де жоққа шығармайтынын айтты.
«Мен Энтони Джошуамен қайта жекпе-жек өткіземін деп ойламаймын — өз салмағымда қалу маңызды. Болашақта ММА-да да өзімді сынап көруім мүмкін. Қазір Netflix платформасында бокстық шоуларды да белсенді түрде дамытып жатырмыз. Ықтимал қарсыластардың қатарында ММА ережесі бойынша Александр Усик, Фрэнсис Нганну, Райан Гарсия немесе Томми Фьюри бар», — деді Джейк Пол.
Америкалық спортшы ықтимал қарсыластарының қатарында украиналық боксшы Александр Усикті, бұрынғы UFC чемпионы Фрэнсис Нганнуды, сондай-ақ боксшылар Райан Гарсия мен Томми Фьюриді атады. Еске салсақ, соңғы жекпе-жегінде Джейк Пол Энтони Джошуаға алтыншы раундта жеңілген болатын. 28 жастағы спортшы кәсіби рингте 14 жекпе-жек өткізіп, оның 12-сінде жеңіске жетіп, екі рет жеңілген. Сонымен қатар ол аралас жекпе-жекке де қатысу мүмкіндігін қарастырып отыр.
Айбар Рысдаулет
Гимнаст Зейнолла Ыдырысов Түркиядағы Әлем кубогы кезеңінде күміс медаль жеңіп алды
Рыбакина жаңа тарихи көрсеткішке жетті