Дмитрий Попко Мексикада топ жарды
Дмитрий Попко
Қазақстандық теннисші Дмитрий Попко Мексиканың Морелия қаласында өткен ATP Challenger 125 турнирінің жеңімпазы атанды. 27 жастағы спортшы үшін бұл – маусымдағы ең ірі жетістіктердің бірі.
Финалда ол жарыстың бірінші нөмірлі қатысушысы, 2021 жылғы Astana Open турнирінің финалисі, австралиялық Джеймс Даквортты жеңді. Алғашқы сетте 1:6 есебімен есе жібергенімен, кейін екі партияда басым түсіп (6:2, 6:4), қарсыласын жарыс жолынан шығарып тастады.
Жекпе-жек 1 сағат 47 минутқа созылды. Осы уақыт ішінде Попко сегіз эйс жасап, алты брейк-пойнттың үшеуін ұтымды пайдаланды.
Бұл жеңіс Дмитрийдің рейтингтегі жағдайын жақсартып қана қоймай, алдағы жарыстарда өзіне деген сенімділігін арттыра түспек.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
Нұрқожа Кайпанов Азия чемпионы атанды!Келесі мақала:
Зейнолла Идрисов Германияда алтын иеленді