Дидар Сыдықбек «Тараз» футбол клубының директоры болып тағайындалды
Фото: Offside.kz
Қазақстандық маман Дидар Сыдықбек «Тараз» футбол клубының директоры қызметіне ресми түрде тағайындалды, деп хабарлайды Pin-UpSport.kz. Клуб басшылығы құрылымдық өзгерістер аясында оның кандидатурасын мақұлдап, жаңа маусымға дайындықты осы кадрлық шешіммен бастады.
1993 жылы Алматы қаласында дүниеге келген Сыдықбек кәсіби футболшы ретінде бірнеше қазақстандық командаларда ойнады. Ол «Қызылжар», «Астана-1964», «Ақтөбе», «Ордабасы» клубтарының намысын қорғады және Қазақстанның U-17, U-19, U-21 құрамаларының сапында ел намысын жүктеді. 2012 жылы Қазақстан бірінші лигасының «Үздік жас футболшысы» атанып, спорттағы болашағы кең танылған футболшылардың бірі болды.
Футболшылық мансабын аяқтағаннан кейін Сыдықбек түрлі салаларда еңбек етіп, футбол менеджментіне бет бұрды. Ол «SD Family» жобасын басқарып, жеке клуб, стадион және балалар академиясын ашты. Сонымен қатар Қазақстан медиа футбол федерациясының негізін қалаушылардың бірі болды. КФФ жүзеге асырған «Алаң» инфрақұрылымдық жобасында кеңесші ретінде жұмыс атқарды.
2025 жылы Дидар Сыдықбек «Атырау» футбол клубының бас менеджері қызметін атқарып, командаға Премьер-лигада орнын сақтап қалуға көмектесті. «Тараздағы» жаңа міндет оның басқарушылық тәжірибесін кеңейтіп, клубтың дамуына бағытталған жаңа жобаларды іске асыруға мүмкіндік береді.
Айбар Рысдаулет
Микаэль Аскаров Түркияға қайта оралуы мүмкін
«Ливерпуль» Мохамед Салахтың болашағына қатысты белгісіздік фонында ірі трансферге дайындық жүргізуде