Демият Сламбеков мансабын «Ертісте» жалғастырады
Қазақстандық қорғаушы Демият Сламбеков мансабын павлодарлық «Ертіс» клубында жалғастырады, деп хабарлайды Pin-UpSport.kz.
Sport-hub.kz мәліметінше, 24 жастағы футболшы павлодарлық клубтың сапына қосылады. Оның соңғы командасы петропавлдық «Қызылжар» болды. Алайда тараптар келісімімен келісімшарт мерзімінен бұрын тоқтатылды.
Сламбеков «Қызылжар» құрамына 2026 жылдың басында ауысқан болатын. Осы уақыт ішінде ол барлық турнирде 14 матч өткізіп, бір гол соқты. Футболшы алматылық «Цесна» балалар-жасөспірімдер спорт мектебінің түлегі. Сондай-ақ «Оле Бразил» академиясында тәлім алып, кәсіби деңгейдегі дебютін 2015 жылы «Бәйтерек» сапында өткізді.
Қазақстанның 21 жасқа дейінгі жастар құрамасында Сламбеков алты ресми матчқа қатысты. Transfermarkt порталы оның трансферлік құнын 150 мың еуроға бағалайды. КПЛ-дың 17 турында «Ертіс» 11 ұпаймен турнир кестесінің соңғы сатысында тұр.
