Данияр Шахаров Power Slap 17 турнирінде жарақат алып, жекпе-жекті ерте аяқтады
Данияр Шахаров
Қазақстандық спортшы Данияр Шахаров Сауд Арабиясының Эр-Рияд қаласында өткен Power Slap 17 турниріне қатысты, деп хабарлайды Pin-UpSport.kz. Ол алғашқы раундта нигериялық қарсыласы Кабиру Адедиранмен кездескен еді.
Жекпе-жек басында-ақ Шахаров қолынан жарақат алып, әрі қарай жалғастыра алмады. Соның нәтижесінде төрешілер техникалық нокаут тіркеп, жеңіс нигериялық спортшыға берілді. Бұл Даниярдың Power Slap лигасындағы биылғы маусымдағы алғашқы жеңілісі болды.
Шахаров ауыр салмақта өнер көрсетеді. Осы дивизионда ел намысын тағы бір қазақстандық — рейтингте бесінші орында тұрған Закир Найманбаев қорғайды. Ал чемпиондық белбеу америкалық Дэмьен Диббеллдің еншісінде.
Айта кетейік, Power Slap лигасын UFC президенті Дана Уайт құрған. Бұл жоба қысқа мерзім ішінде танымалдыққа ие болып, әлемдегі ең көп талқыланатын күштік спорт түрлерінің біріне айналды.
