Данияр Елеусінов аңыз бапкермен дайындықты бастап кетті
Данияр Елеусинов. Фото: Sportsfile via Getty Images
2016 жылғы Олимпиада чемпионы Данияр Елеусінов Instagram парақшасына жаңа бапкерімен бірге түскен суретін жариялап, дайындықты бастағанын ">мәлімдеді.
«Жаттықтырушымен танысып, дайындықты бастадым», – деп жазды ол.
Суретте оның жанында қазақы шапан киген жаттықтырушысы көрінеді.
Даниярдың жаңа бапкері – аты аңызға айналған америкалық маман Томас Янкелло. Ол 2008 жылы The Ring журналының нұсқасы бойынша әлемнің үздік бес жаттықтырушысының қатарына кірген. Бұған дейін Рой Джонс кіші мен бірнеше әлем чемпиондарын жаттықтырған. Сондай-ақ ол қазақстандық Иван Дычкомен де жұмыс істеген.
Айта кетейік, Елеусінов жақында UFC президенті Дана Уайт пен Сауд Арабиясынан шыққан промоутерлер құрған жаңа лигаға келісімшартқа отырған. Қазір ол сол ұйымдағы алғашқы жекпе-жегіне қызу дайындалып жатыр.
Айбар Рысдаулет
Асланбек Шымбергенов құрамамен қайта жаттығуға кіріседі
Головкин мен Канело жекпе-жектері АҚШ-тағы ең табысты ондыққа енді