«Челси» Сатпаевтың ойынын жіті қадағалауда
Фото: КФФ
«Қайрат» футбол клубының Бақылау кеңесінің төрағасы Қайрат Боранбаев Дастан Сатпаев пен лондондық «Челси» арасындағы жағдайдың кейбір тұстарын айтты, деп хабарлайды Pin-UpSport.kz.
Боранбаевтың сөзінше, 18 жасқа дейін Англияда еңбек визасын алу мүмкін емес. Егер Сатпаев ұлттық құрамаға шақырылмаса, ол «Челсидің» оқу-жаттығу жиынына қатысып, екі апта командамен бірге болар еді. Ал футболшының Қазақстан құрамасына шақырылғанын естіген ағылшындар: «Бұл жаңалыққа өте қуаныштымыз, міндетті түрде барсын» деп жауап берген.
Осылайша, «Челси» жас шабуылшының дамуын мұқият бақылап, оның құрамаға шақырылуын оң бағалап отыр.
Айта кетейік, Дастан Сатпаев ағылшын клубымен ресми келісімшартқа тек 18 жасқа толған соң қол қоя алады. 2026 жылы ол толыққанды «Челси» ойыншысы атануға құқылы болады.
