Бибісара Асаубаева қатарынан үшінші маусымда Global Chess League турнирінде өнер көрсетеді
Фото: NurPhoto
Қазақстандық шахматшы Бибісара Асаубаева жаңа маусымда FYERS American Gambits командасының құрамында Global Chess League турниріне қатысады, деп хабарлайды Pin-UpSport.kz. Бұл қазақстандық шахматшының аталған жарыста қатарынан үшінші маусымдағы өнер көрсетуі болмақ.
Global Chess League турнирі Халықаралық шахмат федерациясының (FIDE) қолдауымен ұйымдастырылады. Жарыстың ерекшелігі – ерлер мен әйелдер аралас құрамда бір команда сапында ойнайды, ал барлық партиялар рапид форматында өткізіледі. Өткен маусымда FYERS American Gambits командасы турнирді төртінші орынмен аяқтаған болатын.
Жаңа маусымның матчтары 3–13 қыркүйек аралығында Үндістанның Бангалор қаласында өтеді. Қатысушылар әлемдегі ең беделді командалық шахмат турнирлерінің бірінде чемпиондық атақ үшін бақ сынайды.
Бибісара Асаубаева – әйелдер арасындағы блицтен үш дүркін әлем чемпионы, үміткерлер турнирінің қатысушысы және Norway Chess Women 2026 турнирінің жеңімпазы. FYERS American Gambits сапындағы кезекті маусым қазақстандық шахматшыға халықаралық деңгейдегі тағы бір маңызды додада жоғары нәтиже көрсетуге мүмкіндік береді.
