Бибісара Асаубаева Cairns Cup-2026 турнирінде жеңіліске ұшырады
Қазақстандық шахматшы Бибісара Асаубаева АҚШ-тың Сент-Луис қаласында өтіп жатқан Cairns Cup-2026 супертурнирінің сегізінші турында Қытай өкілі Тань Чжунъиге есе жіберді, деп хабарлайды Pin-UpSport.kz.
Асаубаева партияны қара түспен өткізіп, жарыс көшбасшысына қарсы ойында жеңіліп қалды. Кездесу алдында қазақстандық шахматшының қоржынында 4,5 ұпай болды және ол Тань Чжунъиден бір ұпайға қалып тұрған еді. Ал бұған дейінгі жетінші турда Бибісара грек шахматшысы Ставрула Цолакидуды жеңіп, америкалық Элис Лимен ұпай санын теңестірген болатын.
Сегіз турдың қорытындысы бойынша Тань Чжунъи 6,5 ұпаймен жеке дара көш бастап келеді. Элис Ли 5,5 ұпаймен екінші орында тұрса, Асаубаева 4,5 ұпаймен үшінші сатыда орналасқан. Осылайша, қазақстандық шахматшы жүлделі орындар үшін күресін жалғастырып отыр. Турнирдің жалпы жүлде қоры 250 мың АҚШ долларын құрайды.
Қорытынды тоғызыншы турда Бибісара Асаубаева ақ фигуралармен Үндістанның гроссмейстері Конеру Хампимен кездеседі. Қазақстандық шахматшы үшін бұл партия турнирдегі қорытынды нәтижеге тікелей әсер етеді. Cairns Cup-2026 жарысы Saint Louis Chess Club базасында өтіп жатыр.
