Бибісара Асаубаева Cairns Cup-2026 турнирінде үздік үштікке енді
Қазақстандық шахматшы Бибісара Асаубаева АҚШ-та өткен Cairns Cup-2026 халықаралық турнирін бес ұпаймен аяқтап, үшінші орынға ие болды, деп хабарлайды Pin-UpSport.kz.
Тоғызыншы, соңғы турда Асаубаева ақ тастармен үндістандық гроссмейстер Конеру Хампиге қарсы ойнап, партияны тең нәтижемен аяқтады. Осылайша, қазақстандық шахматшы турнир қорытындысында бес ұпай жинады. Дәл осындай көрсеткішке америкалық Карисса Ип те қол жеткізді. Нәтижесінде екі шахматшы үшінші орынды бөлісіп, әрқайсысы 35 мың АҚШ доллары көлемінде жүлде алды.
Турнир жеңімпазы Қытай өкілі Тань Чжунъи атанды. Ол 6,5 ұпай жинап, 65 мың доллар көлеміндегі бас жүлдені иеленді. Екінші орынды алты ұпаймен америкалық Элис Ли еншіледі. Ол 50 мың доллар сыйақы алды. Ал Бибісара Асаубаева беделді жарысты үздік үштік қатарында аяқтап, жоғары нәтиже көрсетті.
Cairns Cup-2026 турнирі айналмалы жүйе бойынша өтті және оған әлемнің он мықты шахматшысы қатысты. Жарыстың жалпы жүлде қоры 250 мың АҚШ долларын құрады. Бибісара Асаубаева үшін бұл нәтиже халықаралық деңгейдегі кезекті маңызды жетістік болып, әлемдік шахмат аренасындағы жоғары деңгейін тағы бір мәрте дәлелдеді.
